Psalms 149

1Kaiqenavu Nora Kotira autu tuahera kaare.

Virara kempukaiqamake iri variaka ruvaaqumavi vainaini vaiha, ne qaraaka ihi Nora Kotira tiva amiteha, vira autu tuahera kaate.

2Ni autu kero vatai Variqarara irihama, ne Isareri nenta muntukaqihai quaheha variate.

Ne Saioniqi variaka, Kotira nenta Avuhainaarara quaheha variate.

3Ne ihi ntehataaqavata/quvaaravatakitaavata ruqutiha, vira autu tuahera kaate.

4Noravano Kotiva tinavu nai vaiinti nahentiara voqama kero quahe vairara ti, ne vira autu tuahera kaate.

Kia kempuka vai vatanaaka viva vika koqema nimiteharo, vika navutaaka naatara nimite vaira.

5Viva minti vairara ti, kaiqenavu vira vaiinti nahenti entaqi ihi tiva amitaqi viha virara quahaare.

6Ne nenta kauquqi iqoka paipe voqamakero vaihaira tuateha, nenta noqihai Nora Kotira autu tuaheraqi vuate.

7Mintiaqi viha ne vo vatanaa vo vatanaaka hampata raquqi viha, vika tinavu qoraiqama timitaarara irihama, náivata qoraiqama nimitaate.

8Tinavu navutaaka avuhainaukave, vika qiata vaiintive, neseniqohai vika rumpa taate.

9Kotiva tintemake, ne vo vatanaa vo vatanaaka qoraiqama nimitaate.

Ne vira vaiinti nahenti mintihama vira autu takuqi vaira noraiqama kevarave.

Ho kaiqenavu Nora Kotira autu tuahera kaare.

Copyright information for TBG